NEOBURGUM

I.

NEOBURGUM

oppid. Brisigaviae, ad Rhenum, medium inter Brisacum ad Boream, et Basileam ad Austream, sub Austriacis; Newenburg. Ibi obiit 1639. Bernardus, Dux Veimariensis, vir fortitudine et victoriis commendatissimus. A Gallis in cineres redactum, A. C. 1675. NEOBURGUM oppid. munitum Fioniae Insulae in parte Orientali cum portu capaci, iuxta fretum Beltsund, 18. mill. pass. a Selandia, et a Corsoa portu in Occasum, Ottoniam versus, a qua pari spatiô distat; Nyburg.

II.

NEOBURGUM

quod et Neopyrgum, et Nova castra, multiplex est urbs Germaniae: sed quae praecipuae, una ad Salam fluv. in consinio Misniae, Thuringiae, et Saxoniae, vulgo Naumburg, inter Erfordiam, ad Occidentem, et Lipsiam ad Ortum. Baudrando urbsest Saxoniae superioris in Misnia, alias sub proprio Episcoponunc sub Administratore, e domo Saxonica, cum regiuncula adiacente, Stifft Naumburg, in ipso limite Thuringiae. Altera in Bavaria ad Danubium, hodie Neuburg, sedes Ducis Neoburgensis: cui Principatui ortum bellum dedit Bavaritum, inter Rupertum Palatinum cognomine Virtuosum, filium Philippi cognomine Ingenui, Electoris, et Albertum Bavariae Ducem gestum, sub initium saeculi XVI. occasione testamenti, quô Georgius cognomine Dives, Dux Bavariae, Landshutensis lineae ultimus, unicam filiam Elisabetham, et per eam generum Rupertum, heredes omnium bonorum et ditionum scripserat. Quô durante bellô Rupertus a Maximiliano I. Imperatore et mox Pater Philippus A. C. 1504. proscripti, Rupertus ad Ratisbonam victus, Palatinatus misere laceratus, aegreque tandem Philippus in gratiam receptus et Ruperti filiis pars aliqua avitae hereditatis, inter Nabum et Danubium, quae Neoburgensis Principatus, (aliis Palatinatus Iunion appellatur) concessa est. Ita Principatum hunc primo tenuerunt filii Ruperti Otto Henricus, postea Elector, et Philippus cognomine

Belliccsus, quorum is Alberti filiam Susannam duxit, A. C. 1529. hic Vien nam contra Solimannum, fortitudinis memorabili specimine editô, defendit eodem annô: ambo autem sine prole decesserunt. E quibus prior, ditionem suam bellô Smalcaldensi amissam, A. C. 1552. transactione Passaviensi recepit, posteaque Elector factus, cum improlem se moriturum videret, testam entô transmisit ad Wolffgangum Bipontinum, Electoratûs herede Fridericô Simmerensi, A. C. 1559. Huius dein Wolffgangi fil. primogenitus Philippus Ludovicus, postquam Neoburgici Principatus administrationem, vivô patre, suscepisset A. C. 1560. Neoburgicam lineam, hodieque superstitem, orsus est; exstinctus A. C. 1614. acceptô de consilio filii nuntiô, et Lavingae sepultus. Pater ex Anna Iuliacensi (unde praetensio ei nata in Ducatus Iuliacensem, Clivensem et Montanum, e quibus primum et ultimum obtinuêre Neoburgici) Wolffgangi Wilhelmi, qui Neoburgicam lineam continuavit; Augusti qui sulzbacensis rami auctor est, et Iohannis Friderici, qui Hiltpolstein, Haydek, Allensperg, et Gizzin accepit, sine herede exstinctus A. C. 1644. Wolffgangus Wilhelmus, cum A. C. 1613. uxorem duxisset Magdalenam Bavaritam, sequente annô Latinos ritus amplexus est, et Patre exstinctô, ditiones subiectas in partem eandem pertraxit, Fratribus et Matri ob religionem gravis. Obiit A. C. 1653. unicô relictô, ex praefata coniuge, filiô Philippô Wilhelmô, qui natus A. C.1 615. patri mortuo successit, Princeps magni animi et prudentiae, ac suae religionis acerrimus assertor, tum Equestrium exercitationum peritissimus. Prima eius uxor Anna Catharina Constantia Polonica fuit (Poloniae hinc regno, postquam Ioh. Casimirus Rex Regnô se abdicâsset, plurimorum votis destinati: imo et sequente interregnô, expetiti a non paucis) altera Elisabetha Amalia Hassiaca, ducta A. C. 1653. et confestim ad maritisacra transgressa: quarum ista sterilis, haec numerosâ proledomum auxit. His enim Parentibus nati,

Maria Anna Iosepha (genita A. C. 1655. et Leopoldo I. Imperatori tertium marito A. C. 1677. iuncta) Iohannes Wilhelmus Iosephus Ignatius, magnae spei Princeps (qui natus A. C. 1658. nuper, minorem natu sororem modo memorati Augusti, uxorem meruit) Wolfgangus Georgius Fridericus Franciscus (natus 1659.) Ludovicus Antonius (natus 1660.) Carolus Philippus Alexander Sigismundus, Franciscus Ludovicus, Fridericus Wilhelmus et Philippus Wilhelmus, vide Phil. Iac. Spenerum Syllog. Geneal. Histor. in Familia Palatina.